contact mp icon შეკითხვა დეპუტატს: დავით ბაქრაძე

ნოდარ ვანაძე 08 დეკემბერი 2014

ბატონო დავით წალკაში ჩამოსახლებულ აჭარელ ეკომიგრანტებს გვაქვს კრიტიკული მდგომარეობა. შეშასთან დაკავშირებით ვერანაირად ვერ მოვახერხეთ ბილეთის აღება, ოჯახები გვყავს უკიდურეს მდგომარეობაში , გთხოვთ დაუყენოთ საკითხი მთავრობას რას გვიპირებენ ბოლოს და ბოლოს, ალბათ ახალი მეთოდი შეიმუშავეს თუ როგორ უნდა გაუძლოს ადამიანმა ყინვას. ბატონო დავით ეს არის გამიზნული პროგრამა იმისთვის რომ წალკაში ჩამოსახლებულმა აჭარის მოსახლეობამ ფუნდამენტურად არ დამკვიდრდნენ და იძულებული გავხდეთ რომ წავიდეთ წალკიდან, რათა მათ მიზანს მიაღწიონ. გთხოვთ დაყენოთ საკითხი პარლამენტში რათა იგრძნონ მათი პასუხისმგებლობა ხალხის წინაშე?

მოგესალმებით, ბატონო ნოდარ. თქვენი შეკითხვის პასუხად გაცნობებთ, რომ დახმარების თაობაზე შუამდგომლობის წერილი გადავუგზავნე საქართველოს გარემოს დაცვისა და ბუნებრივი რესურსების მინისტრს ბ-ნ ელგუჯა ხოკრიშვილს, ასევე წალკის რაიონის მაჟორიტარ დეპუტატს ბ-ნ რევაზ შავლოხაშვილს და ხულოს რაიონის მაჟორიტარ დეპუტატს ბ-ნ ანზორ ბოლქვაძეს. მათი მხრიდან გატარებული ზომების შესახებ ინფორმაციის მიღების შემდგომ დამატებით გაცნობებთ. თქვენი თხოვნის შინაარსთან დაკავშირებით მინდა იცოდეთ, რომ სრულად მესმის, თუ რამდენად მნიშვნელოვანია შეშით მომარაგების საკითხი რაიონის მოსახლეობისთვის, განსაკუთრებით იქ, სადაც ჯერ კიდევ არ მომხდარა გაზიფიცირება. ამ თვალსაზრისით წალკა, მისი კლიმატური პირობებიდან გამომდინარე, სამართლიანად ითვლება ერთ-ერთ ურთულეს რაიონად და იქ მცხოვრებ ადამიანებს განსაკუთრებული ყურადღება და მიხედვა სჭირდებათ სახელმწიფოს მხრიდან. ძალიან სამწუხაროა, რომ მთავრობის მხრიდან დღემდე არ ექცევა ყურადღება თქვენს და ზოგადად, ეკომიგრანტების პრობლემებს და იმედი მაქვს, რომ ჩემი ჩარევის შემდგომ მაინც მოგვარდება აღნიშნული საკითხი. გისურვებთ წარმატებებს და ბედნიერ შობა-ახალ წელს

question mark icon ბოლო კითხვები

ადა მარშანია
კითხვა: 2019 წლის 14 აგვისტოს შევიტანეთ საკანონმდებლო წინადადება, რომელიც ითვალისწინებს დევნილთა შესახებ კანონში ცვლილებას, რის მიხედვითაც განისაზღვრება დევნილთა საცხოვრებელი ფართით დაკმაყოფილების საკანონმ
მარიამ ჯაში
კითხვა: გამარჯობა ქ.ნ მარიამ.
სერგი კაპანაძე
კითხვა: მოგესალმებით, ბატონო სერგო, განათლების რეფორმაზე გვესაუბრებიან და მაინტერესებს ბატონო სერგო და გთხოვთ დაუსვათ კითხვა მთავრობას, რომ სამჯერ შემიწყდა თანხის გადაუხდელობის გამო სტუდენტის სტატუსი და მე
სოფიო კილაძე
კითხვა: ქალბატონო სოფიო, მინდა გკითხოთ კანონპროექტის - ბავშვთა უფლებების კოდექსის, 64-ე მუხლის პირველი ნაწილის შესახებ ("მასობრივ გასართობ საცეკვავო ცენტრებში (ღამის კლუბებში) ბავშვის

ჩემი პარლამენტი

აქ ნახავთ ვინ წარმოგადგენთ პარლამენტში და რა გადაწყვეტილებები მიიღება თქვენი სახელით