contact mp icon შეკითხვა დეპუტატს: ეკა ბესელია

ლელა ქ 10 ივლისი 2015

ჩემ მეუღლეს მისჯილი აქვს 260ის მე-2 ნაწილი და მაინტერესებს ახალი კანონმდებლობით რა შეეხება. ეს ამინისტია ითვალისწინებს თუ არა ამ მუხლის სრულად განთავისუფლებას.

საქართველოს სისხლის სამართლის კოდექსის 260-ე მუხლში განსახორციელებელი ცვლილებით, რომელიც პარლამენტის მიერ მიღებულია სამი მოსმენით და ამოქმედდება გამოქვეყნებიდან მე-15 დღეს, ხდება ნარკოტიკული საშუალების, მისი ანალოგის, პრეკურსორის ან ახალი ფსიქოაქტიური ნივთიერების უკანონო დამზადება, წარმოება, შეძენა, შენახვა, გადაზიდვა და გადაგზავნის გამიჯვნა მათი უკანონო გასაღებისაგან, რაც გამოიხატება ამ ქმედებების ჩადენისათვის სასჯელის განსხვავებული ზომების დაწესებაში. მოქმედი საქართველოს სისხლის სამართლის კოდექსის 260-ე მუხლის მე-2 ნაწილის თანახმად, ნარკოტიკული საშუალების, მისი ანალოგის ან პრეკურსორის უკანონო დამზადება, წარმოება, შეძენა, შენახვა, გადაზიდვა, გადაგზავნა ან გასაღება, ჩადენილი:ა) დიდი ოდენობით;ბ) წინასწარი შეთანხმებით ჯგუფის მიერ;გ) სამსახურებრივი მდგომარეობის გამოყენებით;დ) არაერთგზის;ე) იმის მიერ, ვისაც წინათ ჩადენილი აქვს ამ კოდექსის ამ თავით გათვალისწინებული რომელიმე დანაშაული, –ისჯება თავისუფლების აღკვეთით ვადით შვიდიდან თოთხმეტ წლამდე.ნორმის ახალი რედაქციის მიხედვით, იგივე ქმედება, გასაღების გარეშე,  დასჯადია ამ მუხლის მე-3 ნაწილით და ითვალისწინებს თავისუფლების აღკვეთას ვადით ხუთიდან რვა წლამდე, ხოლო გასაღების მიმართ მიდგომა რჩება უცვლელი და ამ ქმედებისათვის კვლავ გათვალისწინებულია თავისუფლების აღკვეთა  ვადით შვიდიდან თოთხმეტ წლამდე (მე-5 ნაწილი).

question mark icon ბოლო კითხვები

ადა მარშანია
კითხვა: 2019 წლის 14 აგვისტოს შევიტანეთ საკანონმდებლო წინადადება, რომელიც ითვალისწინებს დევნილთა შესახებ კანონში ცვლილებას, რის მიხედვითაც განისაზღვრება დევნილთა საცხოვრებელი ფართით დაკმაყოფილების საკანონმ
მარიამ ჯაში
კითხვა: გამარჯობა ქ.ნ მარიამ.
სერგი კაპანაძე
კითხვა: მოგესალმებით, ბატონო სერგო, განათლების რეფორმაზე გვესაუბრებიან და მაინტერესებს ბატონო სერგო და გთხოვთ დაუსვათ კითხვა მთავრობას, რომ სამჯერ შემიწყდა თანხის გადაუხდელობის გამო სტუდენტის სტატუსი და მე
სოფიო კილაძე
კითხვა: ქალბატონო სოფიო, მინდა გკითხოთ კანონპროექტის - ბავშვთა უფლებების კოდექსის, 64-ე მუხლის პირველი ნაწილის შესახებ ("მასობრივ გასართობ საცეკვავო ცენტრებში (ღამის კლუბებში) ბავშვის

ჩემი პარლამენტი

აქ ნახავთ ვინ წარმოგადგენთ პარლამენტში და რა გადაწყვეტილებები მიიღება თქვენი სახელით